Tottenhami pas Paulo Dybalas edhe në janar?

12:52 | 24 Gusht 2019
Arbresh Info

Tottenham Hotspuri raportohet se konsideron të tentoj sërish nënshkrimin me Paulo Dybalan gjatë merkatos së transferimeve në janar.

Skuadra nga veriu i Londrës ka shprehur interesim për reprezentuesin argjentinas në fillim të kësaj vere, por transferimi dështoi të finalizohet para 8 gusht, transmeton portali arbresh.info.

Sulmuesi tani është duke u përfolur për kalim te Paris Saint Germaini dhe Interi, megjithëse vazhdon ende mundësia për të qëndruar edhe katër muaj në Torino para largimit.

Në rast se ndodhë kështu, football.london raporton se “Spursët” mund të konsiderojnë sërish nënshkrimin me të në janar.

Ata shtojnë se transferimi mund të ndodhë me zgjedhjen e të drejtave të imazhit me Dybalan në fillim të 2020-ës.

“Spursët” kanë nisur sezonin e ri në Premierë Ligë duke shtuar në skuadër lojtarët si Tanguy Ndombele, Giovani Lo Celso dhe Ryan Sessegnon./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm